Poslovne vijesti - Makedonija

Објавен јавниот повик за парите од ИПАРД

Агенцијата за финансиска поддршка во земјоделството и руралниот развој го објави седмиот повик за користење на средства од ИПАРД програмата за 2007-2013 година.

Според јавниот повик сите заинтересирани лица можат да достават барања за користење на парите од европските фондови наменети за инвестиции во аграрот во три мерки и тоа 101: за инвестиции за преструктурирање на земјоделските стопанства за постигнување на стандардите на ЕУ. Мерка 103: за инвестиции за маркетинг и преработка на земјоделски и рибни производи и третата мерка 302: за диверзификација и развој на руралните средини.

Како што информираат од Платежната агенција, финансиската поддршка за овој јавен повик е составена од 75% средства од ИПАРД програмата, а 25% се средства од Буџетот. Финансиските средства по поединечно барање се доделуваат како неповратна финансиска поддршка во износ од 50% од вкупната инвестиција. Крајниот рок за поднесување на барања е 22 август 2013 година.